‎EARPLUG, NALIMTAN OG TANGTANG SA DALUNGGAN SULOD SA LIMA KA TUIG‎

Wala damha sa usa ka lalake, sulod sa lima ka tuig nga nagtuo sya, nga sya usa ka bungol, ang 66-anyos nga kanhing inhenyero sa Royal Navy nga hinay-hinay na siyang nabungol tungod sa dugay nga pagtrabaho duol sa kusog nga makina sa helicopter ug sa mga samad nga iyang naangkon sa pagdula og rugby.
‎
‎Apan niadtong 2022, si Wallace Lee sa Weymouth, Dorset, nakagamit og home ear endoscope ug nakamatikod og gamay nga puti nga butang sa kahiladman sa iyang dunggan.
‎
‎Sa dihang gisusi siya sa mga doktor, ilang nadiskubre nga usa diay kini ka 1-ka sentimetro nga tipak sa plastik nga earplug nga gituohang nagpabilin sa iyang dunggan sukad sa usa ka biyahe paingon sa Australia niadtong 2017.
‎
‎Matud ni Lee, nagtuo siya nga natangtang ang bahin sa iyang earplug atol sa maong paglupad, apan wala niya damha nga ang usa ka tipak niini nagpabilin sa sulod sa iyang dunggan sulod sa pipila ka tuig.
‎
‎Gisulayan una sa doktor ang pagtangtang niini pinaagi sa suction, apan napakyas tungod kay natabonan ug naipit kini sa mikaging nga earwax. Sa katapusan, natangtang ra ang plastik pinaagi sa gagmay’ng tweezers. Matud ni Lee, sa dihang natangtang ang tipak, kalit nga mibalik sa normal ang iyang pandungog.
‎
‎Photo Courtesy: NY Post