Giturn-over ang 11 ka assorted high-powered firearms nga boluntaryong gisurender sa pito ka Former Rebels (FRs) ngadto sa gobyerno atol sa kalihokan nga gipahigayon sa Camp Captain Ramon M. Onahon, Malaybalay City, Bukidnon kagahapong adlawa
Gipangunahan ni PLTCOL Alfredo G. Ortiz Jr., Deputy Provincial Director for Operations, ubos sa pagdumala ni PCOL Oliver S. Navales, Provincial Director, ang ceremonial turnover.
Mitambong usab si Ms. Shella Marie C. Albarece, representante sa DILG, kauban sila PMAJ Romar Jones T. Cahucom, Chief sa Provincial Logistics Unit, ug 2LT Janah Nova B. Paglinawan, Assistant CMO Officer sa 8th Infantry Battalion, Philippine Army.
Ang mga FRs boluntaryong misurender sa gobyerno ug mipili nga talikdan ang armadong pakigbisog pinaagi sa Task Force Balik-Loob Program ubos sa Enhanced Comprehensive Local Integration Program (E-CLIP).
Gisubay sa maong kalihokan ang paningkamot sa gobyerno sa pagpalig-on sa kalinaw, seguridad ug reintegration sa mga Former Rebels ngadto sa ilang mga pamilya ug komunidad. Pinaagi sa padayong suporta ug koordinasyon sa mga partner agencies, gihatagan sila og higayon nga makasugod pag-usab ug mahimong kabahin sa pagmintinar sa malinawon nga mga komunidad.
Photo Courtesy: BUKPPO
