Gihingusgan sa Kidapawan City Fire Station ang kahibalo ug kaandam sa mga bombero pinaagi sa pagpahigayon og Fire Equipment Familiarization and Knowledge Enhancement Session niadtong Agosto 25, 2026.
Gipangulohan ang kalihokan ubos sa pagdumala ni Fire Senior INSPector Ike J. Lachica Jr., Acting City Fire Marshal, diin gihatagan og higayon ang mga personnel nga mas mapalalom ang ilang kahibalo sa hustong pag-ila, pagdumala ug paggamit sa nagkalain-laing firefighting equipment ug fire apparatus.
Pinaagi sa hands-on nga diskusyon ug demonstrasyon, gipasiugda usab ang importansya sa kahandam sa mga kagamitan, hustong paggamit niini ug panaghiusa sa team panahon sa mga emergency operation.
Matod sa Fire Station, kabahin kini sa ilang padayong paningkamot aron mapadayon ang pagkaandam ug pagkaepektibo sa mga bombero sa paghatag og paspas ug hapsay nga serbisyo sa komunidad, ilabina panahon sa sunog ug uban pang emerhensiya.
