Dili pa makasiguro si Gilas Pilipinas head coach Tim Cone kung makauban ba sa team si Justin Brownlee alang sa Asian Games sa Nagoya, Japan. Gilauman nga mag-atubang ang Gilas Pilipinas sa Bahrain sa Setyembre 11 sa maong kompetisyon.
Nakadesisyon si Brownlee nga dili na mokuyog sa Gilas Pilipinas sa fourth window sa FIBA World Cup Asian Qualifiers, diin mag-atubang ang Pilipinas sa Jordan sa Biyernes, Agosto 28, ug Iran sa Domingo, Agosto 30.
Matod ni Cone, wala pa siyay klarong indikasyon kung makauban ba si Brownlee sa Gilas Pilipinas sa Asian Games, diin defending champion ang Pilipinas.
Una nang mihangyo si Brownlee nga dili una mopadayon sa pagdula aron makarecover sa injury nga iyang naangkon atol sa third window sa FIBA World Cup Asian Qualifiers ug sa PBA Finals.
Dili usab sigurado ang pag-apil sa ubang naturalized players sa Gilas Pilipinas sa Asian Games.
Photo courtesy: BasketNews.com
