Gikumpirma nga dili moubos sa 160 ka tawo ang namatay human miigo ang kusog nga flash flood sa Himalayan border region tali sa Nepal ug Tibet sa China niadtong Agosto 26, 2026, diin gatusan ang gikataho nga missing, lakip ang mga langyaw nga turista ug pilgrims.
Gidaut sa baha ang mga barangay, dalan, tulay, power projects ug importanteng border infrastructure sa Rasuwa District sa Nepal ug Gyirong County sa Tibet. Sa bahin sa China, gikataho usab nga adunay tulo ka namatay ug 265 ang missing human sa mudslide duol sa Gyirong Port.
Matud sa mga eksperto, posibleng nagsugod ang kalamidad sa pagkahugno sa bahin sa glacier o ice-and-rock avalanche nga miresulta sa kusog nga pag-awas sa tubig ug debris ngadto sa mga suba.
Giimbestigahan usab ang posibilidad nga usa ka magnitude 4.4 nga linog pipila ka minuto sa wala pa ang baha maoy nakatampo sa pagkahugno sa glacier.
Sa pagkakaron, nagpadayon ang search-and-rescue operations sa Nepal ug Tibet bisan pa sa kalisod sa pag-access tungod sa naguba nga mga dalan ug tulay. Gipakita usab sa insidente ang dakong peligro nga giatubang sa mga komunidad sa Himalayas tungod sa kalit nga glacier-related floods ug pagbag-o sa klima.
Photo Courtesy: Associated Press
