Gitunol ang kinatibuk-ang ₱1.68 milyon nga ayuda ngadto sa 52 ka kanhing rebelde atol sa 3rd Quarter CY 2026 Joint Regular Meeting sa Provincial Peace and Order Council sa probinsya sa Sarangani.
Gilangkuban kini sa ₱900,000 nga Livelihood Assistance ug ₱780,000 nga Immediate Assistance alang sa mga kanhing rebelde nga gustong makasugod pag-usab sa ilang kinabuhi ug makapundar og kaugalingong panginabuhian.
Tumong sa maong programa nga matabangan ang mga benepisyaryo nga makabarog pag-usab, makabaton og lig-on nga panginabuhi, ug mas mapalig-on ang ilang partisipasyon sa komunidad.
Kabahin usab sa maong kalihukan ang mga miyembro sa Provincial Anti-Drug Abuse Council o PADAC, nga nagpadayon sa pagpalig-on sa mga programa alang sa kalinaw, kahapsay ug paglikay sa illegal nga droga sa Sarangani.
Gipasalig sa mga awtoridad nga ipadayon ang mga programa nga maghatag og higayon sa matag Sarangan nga makabangon, makapanginabuhi sa produktibong paagi, ug mahimong aktibong kabahin sa mas luwas, malinawon ug mauswagong probinsya.
Photo Courtesy: PLGU Sarangani
