Nagkahiusa na sa pagmeeting ang DepEd Cagayan de Oro uban ang CDRRMD, City Health Office ug JR Borja General Hospital aron hisgutan ang angay nga lakang sa pag-atubang sa grabeng kainit sa panahon.
Matod ni Ryan Blanco sa DepEd CDO, naghulat pa sila sa advisory ni Mayor Klarex Uy alang sa posibleng paghatag og authority sa mga school principals nga magpatuman og granular o school-based class suspension kung gikinahanglan.
Giklaro ni Blanco nga adunay mga eskwelahan sa Cagayan de Oro nga mas grabeng maapektuhan sa kainit tungod sa ilang lokal nga kahimtang. Lakip niini ang mga classroom nga kulang sa ventilation, kahoy ug natural nga landong, hinungdan nga mas init ang palibot.
Matod pa niya, importante nga matag eskwelahan matan-aw base sa aktuwal nilang sitwasyon aron masiguro ang kaluwasan ug kaayohan sa mga estudyante ug personnel.
Photo courtesy: DepEd Tayo Cagayan de Oro City
