Misaka sa bag-ong record ang average nga presyo sa mga bag-ong condominium sa 23 ka special wards sa Tokyo, Japan, nga miabot sa 265.2 million yen niadtong Hulyo.
Base sa Real Estate Economic Institute, 96 percent ang pagsaka kumpara sa parehas nga panahon sa miaging tuig ug kini ang unang higayon nga milapas sa 250 million yen ang average nga presyo. Dakong hinungdan niini ang pagbaligya sa high-end properties sa Minato Ward nga adunay average nga presyo nga duol sa 500 million yen.
Samtang, miabot usab sa record-high nga 164.93 million yen ang average nga presyo sa bag-ong condominium sa Tokyo, Kanagawa, Saitama ug Chiba. Matud sa institute, adunay dakong epekto sa presyo ang pipila ka mahal ug dagkong residential properties nga gipamaligya sa Tokyo.
Photo Courtesy:Tokyo Portfolio
