Mobisita sa Pilipinas ang NBA legend Jason Kidd ug WNBA legend Lauren Jackson alang sa unang NBA House Philippines nga ipahigayon sa Agosto 29 ug 30 sa One Ayala, Makati City.
Pagatambongan ang duha ka adlaw nga selebrasyon sa basketball sa nagkalain-laing interactive activities, lakip ang meet-and-greet sa basketball legends, skills challenges, merchandise giveaways, photo installations ug NBA 2K27 game zone. Maghatag usab og pasundayag ang Sacramento Kings Dancers, uban sa live musical performances.
Si Kidd usa ka 10-time NBA All-Star ug miyembro sa NBA 75th Anniversary Team, samtang si Jackson usa ka 3-time WNBA MVP ug 2-time WNBA champion. Gipaabot nga mahimong dakong panagtigom kini sa mga NBA ug WNBA fans sa Pilipinas.
Photo Courtesy: Sports Corner PH
