Arestao Ahora El Un 56 Anios Retirao Bureau Of Jail Management And Penology O Bjmp, Este Des Pues Puede Confisca Na De Este Posesyon En Partcular Na De Este Vehiculo, El Un 9mm Pistol Y Maga Bala, Amediante El Checkpoint Que Ya Conduci El De Atun Otoridad Na Mcll Highway Barangay Culianan, Que Conduci Del Ayer Agosto 19 Pasada Alas 5 Del Tarde.
Mientrastanto Con El Suspechao Ya Identifica Amo Si Niel Mariano Y Morgia, 56 Años El Edad, Casao Y Residente Des Del Barangay Cabaluay, Y Base Na Initial Imbestigasyon Ya Man Flag Down El Maga Personajes Del Police Station 4 Culianan Con El Susuzi Celerio Na Checkpoint, Donde Ya Puede Golle El Aresting Officer Con El Grey Sling Bag Que Ya Pone Abaha Na Bangco, Y Durante El Checkiada Ya Puede Estos Recubri El Taurus 9mm Pistol, Tres Magazine Y 21 Live Amunution.
Ademas Base Na Report, Ya Falya El Suspechao Presenta El Nesesaryo Documento Que Ta Firmiti Con Este Carga El Armas De Fuego, Rason Para Confisca Con Este, Y Omento Pa Del Suspechao Que Segun Pa El Armas De Fuego Es Ta Duenia El De Este Esposa Un Activo Tambien Bjmp Personel.
Sin Embargo El Armas De Fuego, Ya Pone Ahora Bajo Na Verificasyon Del Pnp, Y El Suspechao Na Custodia Ya Tambien Del Mencionao Estasyon Para Na Justo Documentasyon Y Propio Disposition.
