Nakatakdang ibalhin ang provincial office sa Philippine Charity Sweepstakes Office o PCSO-Lanao del Norte gikan sa Iligan City ngadto sa Linamon aron mas mapaduol ang serbisyo niini sa mga benepisyaryo sa probinsya.
Gihisgutan ang maong pagbalhin atol sa courtesy visit sa mga personahe sa PCSO kang Governor Mohammad Khalid Q. Dimaporo ning miaging adlaw.
Sumala pa, gawas sa pagpangandam sa bag-ong opisina gituki usab ang padayon nga paghatag og ayuda sa mga nanimuyo sa Iligan City, Lanao del Norte, ug Lanao del Sur.
