Hugot nga gipatuman sa Surigao City Traffic Management Office (SCTMO) ang kampanya batok sa mga motorista nga padayong nakalapas sa mga balaod-trapiko, isip lakang aron mapadayon ang kahapsay ug kaluwasan sa mga syudad sa Surigao.
Gipahimangnoan ang mga motorista batok sa mga sakyanan sama sa kalit nga paghunong o pagparada sa tunga sa dalan, pag-ali sa pedestrian lane, dili paghatag og dalan sa mga motabok, illegal overtaking o counterflow, speeding, swerving, ug reckless driving.
Apil usab sa gibantayan ang pagdiskarga ug pagparada sa dagkong truck sa tunga sa dalan. Subay sa City Ordinance No. 228 o Comprehensive Traffic Code of Surigao City, ang reckless driving adunay mga silot ug multa.
Gipasiugda ni PCAPT Bobby Paredes, Hepe sa SCTMO nga ang maong mga paglapas dili lamang simpleng pagsupak sa balaod, kondili mahimong hinungdan sa disgrasya ug peligro sa kinabuhi sa ubang road users.
Adunay mga road closure kabahin usab sa kampanya ang pagpangandam sa umaabot nga Charter Day sa Surigao City sa Agosto 31, 2026 ug Kapistahan ni Sr. San Nicolas de Tolentino, diin gilauman ang pagdagsa sa mga bisita.
