Nakadawat og P2,325 matag usa nga pinansyal nga ayuda ang 1,981 ka mag-uuma ug mangingisda sa General Santos City atol sa Presidential Assistance for Farmers and Fisherfolk Program (PAFFP) Distribution Caravan nga gipahigayon sa Dadiangas West Central Elementary School Gymnasium niadtong Huwebes.
Ubos sa pagpangulo ni City Mayor Lorelie Geronimo Pacquiao, gitambongan ang maong kalihokan sa mga benepisyaryo ug mga opisyal sa lokal ug nasyonal nga panggobyerno. Ang mga nakadawat sa ayuda mga benepisyaryong narehistro sa Registry System for Basic Sectors in Agriculture (RSBSA).
Mitambong usab si City Councilor Elizabeth Bagonoc, Chairperson sa Committee on Fisheries, uban sila Ma’am Elsie Villanueva sa City Agriculture’s Office ug Ma’am Joy Misterio sa Department of Agriculture Region 12. Gitumong ang ayuda isip dugang suporta sa panginabuhian sa mga mag-uuma ug mangingisda sa syudad.
Photo Courtesy: LGU Gensan
