Mibalik na usab sa trono si Asia’s Superstar Kathryn Bernardo human niya nabawi ang number one spot sa Netflix Philippines. Pipila ka semana nang naghari sa Netflix PH ang iyang bag-ong serye nga Someone, Someday, apan temporaryong nasipa kini sa ikaduhang pwesto human malabwan sa South Korean rom-com series nga Sticky Love.
Apan wala magdugay ug nabawi dayon sa serye nila Kathryn, James Reid ug Maja Salvador ang unang pwesto, tungod sa padayong suporta sa fans ug mga netizen. Mas nag-init usab ang serye tungod sa sunod-sunod nga mga eksena ug komprontasyon tali kang Kathryn ug Maja, nga maoy usa sa mga gihisgutan sa mga viewers.
Samtang, dili malikayan nga adunay pipila ka netizens nga nang-okray sa tingog ni Kathryn, apan wala kini makapugong sa iyang mga fans sa pag-suporta sa serye.
Sa pagkakaron, si Kathryn Bernardo na usab ang nanguna sa Netflix PH.
Photo Courtesy: Pinterest
