Gipahibalo sa Africa Centers for Disease Control and Prevention (Africa CDC) nga milapas na sa 5,000 ang mga kumpirmadong kaso sa Ebola sa Democratic Republic of Congo, samtang nag-atubang ang nasod sa usa sa labing grabeng outbreak sa maong sakit sa kasaysayan.
Base sa ilang pinakabag-ong datos, mikabat na sa 5,021 ka kumpirmadong kaso, diin 2,378 niini ang namatay. Mas taas na kini kumpara sa outbreak sa DRC niadtong 2018 hangtod 2020.
Sumala pa sa ahensya nga labaw nga naapektuhan sa maong sakit ang mga rehiyon sa amihanan ug sidlakan nga nagproblema usab sa huyang nga imprastraktura sa panglawas.
Tungod niini, nagpasidaan si WHO Director-General Tedros Adhanom Ghebreyesus nga layo pa kaau ayha makontrol ang epidemya ug nagpabilin gihapon ang taas nga risgo niini.
Sa pagkakaron gianunsyo sa WHO ug Africa CDC nga nagpadayon pa sila sa pagpalig-on sa mga lakang aron maabot ang mga komunidad nga naapektuhan sa virus.
Photo Courtesy: NPR
