Gisugyot sa Department of the Interior and Local Government (DILG) sa Kongreso nga repasuhon ug hugtan ang mga balaod kabahin sa armas, ilabina sa pagpanubag sa mga gun owner kung magamit sa laing tawo ang ilang armas, alayon kini sa nahitabong shooting incident sa Ateneo de Zamboanga University sa Zamboanga City.
Matud ni DILG Secretary Jonvic Remulla, 98 porsyento sa mga krimen nga may kalabotan sa armas gihimo gamit ang loose firearms. Giduso usab niya nga mahimong non-bailable offense ang illegal possession sa loose firearms ug adunay dugang nga silot sa mga tag-iya sa armas nga magamit kini sa laing tawo.
Samtang, gidugang niini nga adunay 25 ka security guards ang Ateneo de Zamboanga nga nag-duty sulod sa 24 oras, diin 15 ang naka-duty sa adlaw ug 10 sa gabie.
Iyang gipasiugda nga dili ang eskwelahan o mga security guard ang basulon, kondili kinahanglan repasuhon ang security system. Base sa datos sa PNP, 50 ka school-related incidents nga naglambigit sa mga menor de edad ang natala gikan Hunyo 16 hangtod Agosto 18, 2026, lakip ang stabbing, shooting, illegal possession of firearms, shooting threats, bomb threats ug death threats.
Photo Courtesy: CleanPng
