Nadakpan ang usa ka 46-anyos nga housewife atol sa hiniusang buy-bust operation sa kapulisan ug Philippine Drug Enforcement Agency (PDEA) sa Purok-10, Barangay Poblacion, Esperanza, Agusan del Sur, alas-3:20 sa hapon, Agosto 20, 2026.
Ang nadakpan giila lamang sa alyas nga “Linda,” 46 anyos, minyo, usa ka housewife ug residente sa maong lugar. Gipahigayon ang operasyon sa mga operatiba sa Drug Enforcement Unit (DEU) sa Esperanza Municipal Police Station (MPS) ubos sa pagdumala ni PLT Rubi B. Calang, Officer-in-Charge, kauban ang mga operatiba sa PDEA Agusan del Sur Provincial Police Office.
Nakuha gikan sa operasyon ang mokabat sa 0.8 gramos sa gituohang iligal nga droga, nga adunay gibanabang bili nga P5,440, base sa Dangerous Drugs Board (DDB) valuation.
Giandam na usab ang kasong paglapas sa Sections 5 ug 11, Article II sa Republic Act No. 9165 o Comprehensive Dangerous Drugs Act of 2002 batok sa suspek.
Photo courtesy: PNP Esperanza
