Maghiusa pag-usab sa entablado ang mga miyembro sa Viva Hot Babes alang sa ilang reunion concert nga “Bulaklak: Viva Hot Babes Reunion” karong Oktubre 23. Lakip sa motungha sila Maui Taylor, Katya Santos, Andrea del Rosario, Gwen Garci, Sheree, Jaycee Parker, Ella V, ug Jennifer Lee.
Matud ni Taylor, nadasig sila sa paghimo sa reunion concert human sa comeback sa SexBomb Girls, apan wala sila mabalaka sa posibleng pagtandi sa duha ka grupo.
Gipasabot niya nga lahi ang ilang show tungod kay ipakita niini ang ilang 23 ka tuig nga panaghigalaay, mga kasinatian ug mga nahimo sulod sa daghang tuig. Gibutyag usab ni Taylor nga nakigkontak na kanila ang SexBomb Girls.
Photo Courtesy: Maui Anne Taylor
