Nagtinabangay ang Bank of the Philippine Islands (BPI) ug Gogolook aron mapalig-on ang proteksyon sa mga kustomer batok sa nagkadaghang digital scams ug fraud.
Ubos sa ilang partnership, ang mga kwalipikadong BPI customers makadawat og 12 ka bulan nga libreng access sa Whoscall Premium Basic anti-scam app. Pinaagi niini, mahimong ma-block ang spam ug scam calls, mailhan ang unknown callers, ug ma-filter ang mga kadudahang mensahe.
Gipahinumdoman sa BPI ang mga kustomer nga magpabiling alerto ug mag-amping sa tanang financial transactions bisan adunay dugang nga proteksyon gikan sa app.
Gidasig usab ang publiko nga motaho dayon sa BPI kung makadawat og kadudahang tawag o mensahe nga nagpakaaron-ingnon nga gikan sa bangko.
Photo Courtesy: PNA
