Usa ka vendor sa kakanin sa Naga City nga si Norwin Del Rosario, o “Kuya,” nakapa-amaze sa mga estudyante human niya masulbad ang komplikadong problema sa algebra ug complex numbers sa blackboard.
Bisan dili siya magtutudlo, klaro niyang gipakita ang proseso sa pagsulbad ug gipatin-aw pa kini sa English. Graduate siya sa Business Economics and Management ug dugay nang nagdamgo nga mahimong licensed teacher, apan duha ka higayon siyang wala makapasar sa LET.
Bisan pa niini, wala siya moundang sa iyang pangandoy ug padayon sa pagbaligya og sapin-sapin. Tungod sa iyang talento ug determinasyon, daghang netizens ang nadasig ug nag-awhag sa publiko nga suportahan ang iyang paninda.
