Nagpahamtang ang Estados Unidos og mga sanksyon batok kang International Criminal Court (ICC) President Tomoko Akane ug Senior Trial Attorney Abdoulaye Seye nga kabahin sa prosecution team nga nipetisyon alang sa arrest warrant batok kang Israeli Prime Minister Benjamin Netanyahu.
Gipahayag ni US Secretary of State Marco Rubio nga gihimo kini ubos sa executive order ni US President Donald Trump tungod sa pag-apil sa duha sa mga lakang sa ICC nga mag-imbestigar ug mag-aresto og mga opisyal gikan sa mga nasud nga wala nag-ila sa hurisdiksyon sa maong korte.
Kauban sa mga sanksyon nga gipahamtang sa US Treasury mao ang pag-freeze sa tanang US assets sa maong mga opisyal ug ang pagdili kanila sa paggamit sa US financial system nga may koneksyon sa mga internasyonal nga bangko. Apan nagpagawas usab ang Amerika og general license nga naghatag og panahon hangtod Setyembre 17 alang sa unti-unting paghuman o wind-down sa mga transaksyon nga may kalabutan kanila ni Akane ug Seye.
Gikondena pag-ayo sa ICC ang maong lakang sa Estados Unidos ug nagpagawas og pahayag nga ang pagpanghulga sa ilang mga representante samtang nagpatuman sa balaod usab nagbutang sa kakuyaw sa tibuok international legal order.
Photo Courtesy:The Citizen Tanzania
