Nanawagan ang Presidential Communications Office (PCO) sa tanang media outlets nga mag-amping sa pagreport sa mga insidente nga naglambigit sa mga menor de edad. Sumala ni PCO Secretary Dave Gomez, ang state media kinahanglan nga mag-amping pag-ayo sa pag-cover sa maong mga trahedya.
Matod pa niya nga ang gobyerno dili magpahamtang og bisan unsang mga pagdili sa pribadong media, apan giawhag sila nga mahimong responsable sa ilang pag-cover.
Gipasiugda ni Gomez ang pagpanalipod sa dignidad, kaluwasan, ug pribasiya sa mga menor de edad ug mga pamilya nga namatyan. Ang mga detalye nga makaapekto sa nagpadayon nga imbestigasyon o magdasig sa pagsundog sa insidente kinahanglan usab nga likayan.
Photo Courtesy: Philippine Information Agency
