Temporaryong gisuspendi sa Maritime Industry Authority (MARINA) ang pagproseso sa Seafarer’s Identification and Record Book (SIRB) ug Seafarer’s Identification Document (SID) sa tibuok nasud human sa cyberattack sa ilang system.
Matud sa MARINA, nagpatuman na sila og mga lakang sa seguridad kauban ang Department of Information and Communications Technology (DICT) ug ilang systems providers aron mapanalipdan ang database ug luwas nga mapasig-uli ang operasyon.
Ang mga seafarer nga adunay dinalian nga deployment mahimong moduol sa bisan unsang MARINA SID/SRB Processing Center alang sa mas paspas nga appointment.
Samtang, ang mga kumpirmadong regular appointment nga naapektuhan sa suspension i-reschedule nga walay dugang bayad sa higayon nga mabalik na sa normal ang sistema.
Photo Courtesy:wikipedia
