Abli na sa publiko ang Mt. Apo Geopark Museum sa Sitio Baras, Barangay Kapatagan, Digos City, nga dugang atraksyon alang sa mga turista ug trekkers nga mobisita sa Mt. Apo. Makita sulod sa museum ang nagkalain-laing rock specimens gikan sa Mt. Apo, impormasyon bahin sa mga geosite, biodiversity ug conservation efforts, lakip ang tradisyonal nga sinina ug mga kostumbre sa mga Indigenous Peoples nga konektado sa bukid.
Gilauman nga makatabang ang museum sa pagpalambo sa lokal nga turismo ug panginabuhian sa mga tour guide, transport provider, accommodation, restaurant ug souvenir seller. Ang pag-abli niini nahitabo samtang nagpadayon ang proseso sa UNESCO Global Geopark bid sa Mt. Apo. Abli ang museum matag Lunes hangtod Huwebes, alas-7 sa buntag hangtod alas-7 sa gabii.
