Gisugdan na ang Durian Festival Pre-Event Selling sa Rotary Park ning dakbayan sa Tagum niadtong milabay’ng adlaw, isip paunang kalihokan alang sa umaabot nga Durian Festival 2026. Nagkalain-laing klase sa durian ang gibaligya sa mga traders, lakip ang mga miyembro sa Tagum City Durian Growers Association, atol sa maong pre-event selling.
Magpadayon ang kalihokan hangtod Agosto 31, 2026, aron mas daghang residente ug bisita ang makatilaw sa lokal nga durian sa syudad. Pinaagi niini, gisuportahan usab ang mga lokal nga mag-uuma ug negosyante sa paghatag og dugang nga oportunidad sa panginabuhian.
Makatabang usab kini sa pagpasiugda sa durian isip usa sa mga produkto nga gipasigarbo sa Tagum ug sa pagpalig-on sa syudad isip usa ka tourism destination.
Samtang nagpaabot sa opisyal nga pagsugod sa Durian Festival karong Agosto 28, 2026, giawhag sa LGU Tagum ang mga Tagumenyo nga bisitahon ang Rotary Park ug tilawan ang lamian nga durian gikan sa lokal nga durian farmers ug traders sa Tagum City.
Photo Courtesy: City Government of Tagum
