Usa ka babayeng tigbalita sa Sichuan, China ang gidayeg sa publiko tungod sa iyang dedikasyon sa trabaho bisan pa nga adlaw mismo sa iyang kasal sa dihang miigo ang linog sa maong probinsya.
Si Chen Ying nag-andam na alang sa iyang kasal ug nagsugod na sa pag-makeup alang sa seremonyas, apan sa dihang nasayran niya ang mahitungod sa linog, iyang giuna ang iyang katungdanan isip tigbalita.
Bisan paman nga nagsul-ob na sa iyang wedding gown, gipili ni Chen nga muadto sa lugar nga naapektuhan sa linog aron makakuha og impormasyon ug makahatag og taho ngadto sa publiko.
Human niya matuman ang iyang trabaho, mibalik si Chen ug nangandam pag-usab aron nga ipadayon ang seremonyas sa iyang kasal. Tungod niini, nakaani ug lain lain nga reaksyon ang maong buhat nga nakahatag usab ug inspirasyon sa mga tigbalita.
Photo Courtesy:What’s Up Tony
