Patay ang mag-asawa lakip ang isa ka apat ka bulan nga bata nga iya ginadala, matapos kaunon sang kalayo ang mga establisemento sa Merkado-Publiko sang Barangay Poblacion, Shariff Aguak, Maguindanao Del Sur gab-i sang Agosto 19, 2026.
Suno kay Maguindanao del Sur Provincial Police Office Spokesperson Police Major Guiseppe Tamayo, napatay sa insidente ang mag-asawa nga sanday Bhasco kag Noraisa Abdulgani, mga tag-iya sang BashNor Store.
Suno sa Shariff Aguak Fire Marshal Fire/Inspector Narisa Bansil, nag-umppisa ang sunog pasado alas-11:50 sang gab-i samtang nagakatulog ang mag-asawa sa sulod sang ila pwesto.
Bangud sa light materials ang kadam-an sang mga stall kag tuman ka lapit ang mga tindahan, madasig nga naglapta ang kalayo kun sa diin indi magnubo sa 10 ka establisemento ang naubos.
Padayon man ang imbestigasyon sang Bureau of Fire Protection ukon BFP para mahibaluan ang kabug-usan nga kantidad sang damyos kag ang gintunaan sang nasambit nga sunog.
Photo Courtesy: Ato Piaoliang
