Gipasabot ni SSS Iligan Assistant Manager Ira Levina Filoteo nga adunay mga miyembrong na-notify na sa ilang benepisyo apan wala gihapon makadawat sa kwarta tungod kay ang ilang gi-enroll nga disbursement account, sama sa GCash o bank account, dili na aktibo o sirado na.
Matod ni Filoteo, kinahanglan nga mag-enroll ang mga miyembro og bag-ong disbursement account aron ma-verify ug ma-approve sa SSS.
Human maaprubahan ang bag-ong account, iproseso sa SSS ang redisbursement aron ma-release na ngadto sa miyembro ang wala pa niya madawat nga benepisyo.
