Mopahigayon og preliminary investigation sa Office of the Ombudsman si Surigao del Sur Governor Johnny Pimentel ug kanhi Pampanga Representative Aurelio “Dong” Gonzalez Jr., tungod sa reklamo sa giingong conflict of interest ug kalambigitan sa mga construction firm nga nakadawat og mga kontrata sa DPWH.
Subay sa datos sa Ombudsman, ang reklamo may kalabotan sa Section 3(h) sa Anti-Graft and Corrupt Practices Act nga nagdili sa mga opisyal sa gobyerno nga adunay pinansyal nga interes sa mga kontrata o transaksyon nga ilang naapilan.
Mahinumdoman, nga gipanghimakak na kaniadto ni Gonzalez ang reklamo, samtang wala pa makahatag og komento si Pimentel hangtod sa pagmantala sa report.
Sa pagkakaron, gihulat pa sa Ombudsman ang counter-affidavit ni Pimentel sa dili pa isumite ang iyang kaso alang sa resolusyon ug andam na alang sa resolusyon ang kaso batok kang Gonzalez human sa preliminary investigation.
Photo Courtesy: x
