Gipalig-on sa Baganga Municipal Police Station ang ilang presensya sa mga tulunghaan pinaagi sa pagpatuman sa Oplan Bisita Eskwela aron masiguro ang kaluwasan ug seguridad sa mga estudyante ug mga kawani sa eskwelahan.
Pasado alas 6:00 sa buntag niadtong Agosto 17, 2026, nagpahigayon og mobile patrol ang mga mobile patroller sa Baganga MPS sa palibot sa Baganga National High School ug uban pang mga tulunghaan sulod sa Barangay Central, Baganga, Davao Oriental.
Kini nga lakang nagtumong aron mapugngan ang posibleng insidente sa krimen ug uban pang hulga sa seguridad sulod ug palibot sa mga tulunghaan.
Pinaagi sa kanunay nga police visibility, mas mapalig-on ang pagbati sa seguridad sa mga estudyante, magtutudlo, non-teaching personnel, ginikanan, ug uban pang miyembro sa komunidad sa eskwelahan.
Photo Courtesy: Baganga MPS
