Giawhag sa Department of Trade and Industry (DTI) -Export Marketing Bureau, uban sa TFO Canada, ang mga kwalipikadong micro, small and medium enterprises (MSMEs) sa Pilipinas nga moapil sa Climate Resilient Agri-Food Trade Promotion Support o CRAFTS Project.
Tumong niini nga matabangan ang mga negosyante sa processed food nga makasulod ug makapalapad sa ilang merkado sa nasud Canada.
Ang mga mapiling MSMEs makadawat og libre nga training ug coaching, impormasyon bahin sa Canadian market, koneksyon sa mga potensyal nga buyers, ug tukmang giya sa sustainable production, inclusive business practices ug access sa financing.
Walay bayad ang mga serbisyo nga ihatag ubos sa maong proyekto. Unom ka priority value chains ang gipunting sa programa, lakip ang mangga, pinya, ube, cacao, kalamansi ug saging.
Hatagan usab og prayoridad ang mga negosyo nga gipanag-iya o gipangulohan sa mga kababayen-an, ingon man ang mga negosyo gikan sa mga grupong kulang og representasyon.
Phoyo Courtesy: DTI
