Nadiskubrehan ang talagsaong matang sa shipworm nga Lithoredo abatanica, o lokal nga gitawag og antingaw, nga nagpuyo sa Abatan River sa Bohol. Lahi kini sa ordinaryong shipworm nga mokutkot og kahoy, tungod kay gigamit niini ang espesyal nga kabhang aron mokutkot sa limestone o batong anapog.
Nakaplagan sa mga researcher ang gagmayng tipik sa limestone sulod sa digestive tract niini, nga sa ulahi mahimong pino ug sama sa balas nga materyal.
Bisan pa niini, padayon pang gitun-an sa mga siyentista kung asa gyud kini nagakuha og sustansya, tungod kay wala pa mapamatud-i nga ang bato mismo maoy pagkaon niini. Sa pagkakaron, ang maong talagsaong species nailhan nga makita lamang sa Abatan River sa Bohol.
Photo Courtesy: Unitas Malacologica
