Naangkon pag-usab sa Balangay City High Performing Arts sa Mati City, Davao Oriental ang kampyeonato sa Open Category sa Kadayawan 2026 Dance Competition.
Isip grand champion, nadala sa grupo ang grand prize nga nagkantidad og ₱2 milyon, nga nahimong ikatulong kampyeonato niini sa maong kompetisyon.
Gawas sa kinadak-ang pasidungog, nakadaog usab ang grupo og tulo ka espesyal nga awards—Best in Artistic Design, Best in Choreography, ug Best in Street Dance—nga nagpakita sa ilang kahibalo ug talento sa pagsayaw ug pagpasundayag.
Usa kini ka dakong kalampusan alang sa Mati City ug tibuok Davao Oriental tungod kay pinaagi sa ilang pasundayag, napakita sa Balangay City High Performing Arts ang dato nga kultura, talento, pagkamamugnaon ug garbo sa mga Dabawenyo sa dakong entablado sa Kadayawan 2026.
Photo Courtesy: Kadayawan 2026
