Gipasidunggan sa Civil Service Commission o CSC ang Provincial Government of Davao del Sur human kini makadawat sa PRIME-HRM Bronze Award tungod sa maayong pagdumala sa human resource management. Matud ni CSC Regional Office XI Regional Director Prisco Rivera Jr., nakita sa ilang evaluation ang maayong pagpatuman sa 4 ka HR systems sa provincial government.
Gibisita usab ni Regional Director Rivera Jr. ang probinsya isip courtesy visit ug aron mapalig-on pa ang partnership sa CSC ug Provincial Government. Giawhag usab niya ang mga gustong makakuha og civil service eligibility nga ipadayon ang pagkuha sa eksaminasyon ug dili sayangon ang oportunidad.
Gipahibalo usab ni Regional Director Rivera Jr. nga plano sa CSC nga dugangan ang slots sa Digos Exam Center tungod sa kadaghan sa mga examinees nga gustong mokuha og eksaminasyon sa maong testing center.
Gipasiugda sa CSC nga nagpabiling abli ang ilang opisina sa pagtabang sa mga concern sa publiko, samtang giawhag ang mga empleyado sa gobyerno nga ipadayon ang maayong pagserbisyo sa katawhan.
