Gidasig ni National Youth Commission (NYC) Assistant Secretary ug Philippine Youth Development Plan (PYDP) Committee Chairman Gervy James Gumarit ang tanang SK officials, youth organizations, ug miyembro sa Local Youth Development Council (LYDC) nga mosuporta sa mga programang pang-agrikultura. Gipahayag kini atol sa Provincial Linggo Ng Kabataan (PLNK) 2026 niadtong Agosto 14 sa City Gymnasium & Cultural Center, Valencia City.
Nakita ni ASec Gumarit ang dakong potensyal sa Bukidnon nga mapalambo pa pinaagi sa mga young farmers, ug gipahinumdoman niya ang mga lider nga kinahanglang nahiuyon sa PYDP ang ilang mga proyekto.
Gipasalig usab sa DILG-Bukidnon—pinaagi ni LGOO IV Daphne Kirstie B. Fabria-Mohamad nga nagrepresenta ni Provincial Director Rhona Pedraza-Abadilla—ang ilang walay katapusang suporta sa mga kalihokan sa kabatan-onan ug giawhag sila sa tiunay nga pagserbisyo.
Gipangulohan ang maong tulo ka adlaw nga pagsaulog nga sa LYDO sa Valencia City nagdala sa tema nga “Honoring The Service And Legacy Of Our Youth Leaders, Inspiring A New Generation of Leadership.”
Gipahigayon sa maong okasyon ang nagkalain-laing aktibidad sama sa Street Parade, Miss Provincial LNK 2026, mga kompetisyon sa arts ug musika, pati na ang nagkadaiyang dula diin naangkon sa LGU-Quezon ang titulo nga Overall Champion.
Photo Courtesy: PYDO – Bukidnon
