Mibalos ang Chinese Embassy sa Pilipinas kay Defense Secretary Gilberto “Gibo” Teodoro Jr. human gikwestiyon niini ang pahayag sa Department of National Defense (DND) may kalabotan sa pag-aresto sa mga Chinese nationals sa usa ka steel plant sa Misamis Oriental.
Matud sa Chinese Embassy, wala matubag sa DND ang mga pangutana niini, ilabina sa legalidad sa pag-aresto sa mga Chinese nationals ug sa giingong pagpanghilabot sa Chinese diplomatic officials sa maong kaso.
Gipasiugda sa embahada nga ang korte ang kinahanglang magbuot kung adunay kalapasan o pagpanubag ang mga gi-aresto, base sa mga ebidensiyang ipresentar sa proseso sa korte.
Gidepensahan usab sa Chinese Embassy ang pagbisita ug paghatag og consular assistance ngadto sa mga Chinese nationals nga anaa sa kustodiya.
Sa katapusan, gihagit sa embahada ang gobyerno sa Pilipinas nga tubagon ang tanan nilang pangutana kalabot sa insidente, pinaagi sa mensaheng: “ANSWER ALL OUR QUESTIONS.”
Photo Courtesy:Wikipedia
