Mokabat sa ₱88.593 milyon ang kinatibuk-ang pondo ang natunol sa Philippine Crop Insurance Corporation (PCIC) Region 9 alang sa mga mag-uuma sa Zamboanga Peninsula nga nagpasiguro sa ilang mga pananom.
Matud ni PCIC 9 Regional Manager III Vergie Baroy ang among pondo nadawat alang sa 23, 274 ka mga mag-uuma sa nagkalain-laing mga munisipalidad sa rehiyon.
Gidugang ni Baroy, nakatunol usab sila ug death benefit nga niabot sa 1.9 million isip add onn benefit alang sa mga mag-uuma nga namatay samtang nagparehistro sa ilang pananom.
Pinaagi sa insurance, makadawat ug indemnity ang mga qualified nga mag-uuma nga naka-experience ug crop losses tungod sa mga kalamidad ug ubang covered risks.
Sumala sa PCIC region 9, ang pagpa-insure sa pananom usa ka pamaagi sa pagpanalipod sa capital ug kinabuhi sa mga mag-uuma sa panahon sa kapildihan.
