Giluwas sa National Bureau of Investigation (NBI) ang 174 ka trabahante gikan sa usa ka pabrika sa bakal sa Barangay Ilang, Bunawan, Davao City atol sa operasyon nga gipangunahan ni NBI Director Melvin Matibag niadtong Biyernes, Agosto 14.
Personal nga mitambong si Matibag sa raid nga gipahigayon batok sa Davao Mighty Steel Corporation, kauban si Presidential Anti-Organized Crime Commission (PAOCC) Undersecretary Benjamin Acorda ug uban pang mga otoridad.
Sumala sa imbestigasyon, giingong naggamit ang maong pabrika og mga materyales nga posibleng delikado sa kahimsog sa mga trabahante ug giakusahan usab sa paghimo og substandard nga mga produktong bakal.
Padayon ang imbestigasyon sa mga otoridad aron mahibal-an ang posibleng mga paglapas sa balaod ug aron masiguro ang hustong pagpanalipod sa mga mamumuo ug sa interes sa publiko.
Photo Courtesy: PAOCC
