Nagtuo ang Police Regional Office-10 nga nahimong agianan sa mga smuggled cigarettes ang rehiyon, base sa mga nakumpiskang sigarilyo sa nagkadaiyang border control points.
Matud ni Police Major Joan Navarro, ang tigpamamba sa PRO-10, wala’y manufacturing sa smuggled cigarettes sulod sa Northern Mindanao, hinungdan nga gituohang gikan sa gawas sa rehiyon ang mga ilegal nga tobacco products nga nasakmit sa mga otoridad.
Gipahigayon ang hugot nga mga operasyon sa border control points isip kabahin sa pag-monitor ug pagsumpo sa pagsulod ug pag-apod-apod sa mga smuggled cigarettes.
Gipasalig sa PRO-10 nga dili nila tolerahan ang bisan unsang ilegal nga kalihokan sa rehiyon ug padayon nilang palig-onon ang pagpatuman sa balaod aron mapugngan ang smuggling sa mga produktong tabako.
Photo courtesy: PNP Police Regional Office 10
