Nag-apod-apod og relief packs ang aktor nga si Donny Pangilinan sa mga residenteng naapektuhan sa kusog nga pag-ulan ug habagat sa Silang, Cavite.
Niadtong Agosto 11, mikatag sa social media ang video diin makita si Donny nga personal nga nanghatag og ayuda sa Risen Christ Catholic School sa Barangay Acacia. Wala siya magdala og daghang entourage o kamera, ug simple ra usab ang iyang sinina samtang mitabang sa pagpanghatag sa mga relief goods.
Gidayeg sa mga netizen ang aktor tungod sa iyang pagpakita og kasingkasing sa mga nanginahanglan, ilabi na human maapektuhan sa baha ang liboan ka pamilya sa Cavite.
Dili kini ang unang higayon nga mitabang si Donny sa panahon sa kalamidad. Niadtong miaging tuig, namahagi usab siya og groceries ug kutson sa mga evacuee sa Silang.
Photo Courtesy: Village pipol
