Gipahibalo sa Philippine Statistics Authority (PSA) – Davao del Norte ang iskedyul sa National ID Mobile Registration nga pagahimoon karong adlawa Agosto 11 hangtud Agosto 15, 2026.
Pinaagi sa mobile registration, makahatag kinig higayon nga ang mga residente gikan sa nagkalain-laing lugar sa Davao del Norte, mas mapadali ang ilang pagparehistro sa National ID ug makapahimo usab sa ePhil ID issuance services.
Gidasig ang mga residente nga susihon ang gipagawas nga iskedyul aron mahibal-an ang eksaktong petsa ug lokasyon sa registration site nga labing duol sa ilang lugar.
Mahimong moduol ang mga kwalipikadong residente sa gitakdang registration site sa panahon sa mobile registration aron makapahimulos sa mga serbisyo nga gitanyag sa PSA.
Gipahinumdoman usab ang publiko nga magdala sa gikinahanglang dokumento alang sa proseso sa National ID registration ug sundon ang mga lagda ug instruksyon sa mga personnel sa PSA aron mas hapsay ang pagparehistro.
Alang sa dugang impormasyon, gidasig ang mga residente nga bantayan ang opisyal nga pahibalo sa PSA Davao del Norte Provincial Statistical Office Facebook page, kalabot sa kompleto nga iskedyul ug mga lokasyon sa maong mobile registration.
Photo Courtesy: PSA Region XI Davao del Norte
