Dakpan sa kapulisan ang usa ka bag-ong nailang street-level drug individual atol sa hiniusang buy-bust operation sa Purok 4, Barangay Dapdap, Barobo, Surigao del Sur, niadtong nakalabay nga adlaw.
Ang operasyon gipangulohan sa Barobo Municipal Police Station Drug Enforcement Unit ubos sa direktang pagdumala ni PMAJ Andrew G. Lupian, Acting Chief of Police, ug gihimo sa koordinasyon sa Philippine Drug Enforcement Agency (PDEA).
Nakatabang usab sa operasyon ang target intelligence packet nga gihatag sa Regional Intelligence Unit 13 ug Provincial Intelligence Team-SDS.
Nasikop sa mga otoridad ang suspek nga giila sa alyas “Borres,” 24 anyos, ug residente sa Purok 3, Barangay Dapdap.
Sa gihimong search ug inventory, nakumpiska gikan sa suspek ang duha ka heat-sealed transparent plastic sachet nga adunay gituohang shabu, nga may gibug-aton nga mokabat sa 0.66 gramos ug gibanabanaang standard drug price nga P4,488.
Nakumpiska usab ang P1,000 buy-bust money, usa ka caliber .38 revolver nga defaced serial number, tulo ka buhing bala, digital weighing scale, P81 nga cash, mobile phone, ug nagkalain-laing drug paraphernalia sama sa mga lighter, lukot nga aluminum foil ug improvised tooters.
Samtang gipahigayon ang operasyon, upat pa ka mga indibidwal ang nakalikay sa pagdakop. Padayon karon ang follow-up operations sa mga kapulisan aron masubay ug madakop ang mga nakapalagyo nga suspek.
Ang nadakpan nga suspek ug tanang nakumpiskang ebidensya anaa na sa kustodiya sa Barobo Municipal Police Station alang sa hustong disposisyon ug pag-andam sa tukmang mga kasong kriminal.
Photo courtesy: SDSPPO
