Gipanawagan ni Deputy Speaker Janette Garin ang mas dako nga Quick Response Fund o QRF sa 2027 national budget aron mas paspas matubag sa gobyerno ang mga panginahanglan panahon sa kalamidad.
Matud ni Garin, kinahanglan susihon sa Kongreso ang QRF sa matag ahensya, lakip na kung asa kini gigasto ug kung igo ba ang pondo alang sa disaster response.
Gipasiugda niya ang panginahanglan sa tambal, bakuna, limpyo nga tubig ug health supplies alang sa mga apektado sa baha, ilabina kadtong naa sa evacuation centers.
Gusto usab ni Garin nga mas paspas ang pag-ayo sa mga nadaot nga imprastraktura ug pagpabalik sa mga serbisyo sama sa kuryente ug tubig. Matud pa niya, kinahanglan sab tutukan ang accountability sa paggasto sa QRF aron masiguro nga husto ug epektibo ang paggamit sa pondo.
Gilauman nga hisgutan kini sa Kongreso atol sa deliberasyon sa 2027 National Expenditure Program.
Photo Courtesy: PNA
