Nagmugna og task force ang Department of Health–Center for Health Development Northern Mindanao aron masiguro ang paghatag og husto ug angay nga feeding stations sa mga opisina, establisyemento ug lokal nga kagamhanan alang sa mga working mothers pinasikad sa RA 10028.
Matod ni Dr. Elma Oclarit sa DOH-CHD Northern Mindanao, importante nga adunay accessible ug convenient nga lugar diin makapa-breastfeed ang mga inahan samtang nagtrabaho.
Tumong niini nga dili mapugngan ang mga working moms sa pagpadayon sa breastfeeding, nga importante sa kahimsog ug nutrisyon sa ilang mga anak.
Gipahinumdoman nga karong Agosto ginasaulog ang Breastfeeding Awareness Month, lakip usab ang Sight Saving Month, diin gipasiugda ang pagpanalipod sa kahimsog sa mga inahan ug kabataan.
Photo courtesy: National Nutrition Council Region X
