Nagpasidaan si City Mayor Pao Evangelista nga posibleng dili na makadawat og Education Subsidy ang mga learners nga mapamatud-ang nalambigit sa bullying ug kanunayng paglapas sa mga lagda sa eskwelahan.
Matod sa alkalde, pagbutangan og CCTV cameras ang dagkong mga eskwelahan aron masubay ang mga insidente sa bullying ug dili maayong pamatasan. Gihangyo niya ang mga estudyante nga respetuhon ang ilang mga kauban ug seryosohon ang pag-eskwela.
Ang tanang learners sa Kidapawan City nakadawat na og ₱1,000 initial Education Subsidy, ug adunay dugang ₱500 nga ipanghatag sa ikatulong quarter sa School Year 2026–2027.
Photo Courtesy: City Government of Kidapawan
