Mibisita sa Sugbo si Ombudsman Jesus Crispin ” Boying “Remulla aron makigtagbo sa iyang mga ginsakpan sa Ombudsman of the Visayas ingon man usab aron susihon ang mga flood control project nga gipailawom sa imbestigasyon.
Nagkanayon si Remulla, nga lantawon usab niya ang mga flood control project aron masuta kun ang mga nahitabong pagbaha sa Sugbo gumikan ba sa matang sa disenyo, execution o tungod ba sa kurapsyon.
Gidugang usab niini, nga aduna na’y mga kongresista sa Sugbo ang mapasakaan na unya og tukmang kaso sa Ombudsman Visayas apan sa kasamtangan, ila unang gi-istablisar ug giayo gisala ang tanang ebidensya nga makapalig-on sa mga kaso nga ilang ipasaka aron dili mapakyas ang tanang pagpaningkamot ug aron usab mahatagan na og hustisya katawhan.
Photo courtesy: PNP Cebu Police Provincial Office
