Giangkon sa Malacañang nga apektado ang paglambo sa ekonomiya sa nasud sa tungod sa kaylap nga isyu sa korapsyon.
Gani, matud ni Palace Press Officer Claire Castro nga gibantayan na karon sa panggamhanan ang pagpagawas og pundo kalabot sa mga proyekto sa imprastraktura samtang padayon pa ang mga imbestigasyon sa korapsyon.
Kini ang nahimong pamahayag sa palasyo human sa pinakauwahing Philippines Economic Update gikan sa World Bank, nga nag-ingon nga ang mga lakang sa kagamhanan kalabot sa korapsyon maoy nakalangay sa public investment ug nakaapekto sa pagsalig sa patigayon.
Gidugang ni Castro nga nakadugang sa suliran sa ekonomiya sa nasud ang krisis sa Middle East human Misaka ang presyo sa mga produktong petrolyo.
Photo Courtesy: Wikipedia
