Gisuportahan sa Kagamhanang Lokal sa Dakbayan sa Malaybalay, pinaagi sa Local Economic Development and Investment Promotions Office (LEDIPO) ug Malaybalay City Tourism Office, ang 35th Mindanao Business Conference (MINBIZCON 2026) isip Silver Sponsor alang sa maong kalihokan.
Nagpakita ang maong suporta sa lig-on nga dedikasyon sa siyudad para sa pagpausbaw sa lokal nga ekonomiya, kalambuan sa panag-negosyo, ug maluntarong kalamboan sa rehiyon.
Nasayrang pagahimoon ang maong dakong pakigtigom karong Agosto 11 hangtod 13, 2026, didto sa The Atrium, Limketkai Center, Dakbayan sa Cagayan de Oro. Pagatigumon sa MINBIZCON 2026 ang mga nag-unang lider sa negosyo, mga mamumuhunan (investors), mga ahensya sa gobyerno, ug mga pamatigayon gikan sa nagkalainlaing bahin sa Mindanao alang sa tulo ka adlaw nga panaghisgot, inobasyon, ug pakigtambayayong nga maghulma sa puy-anan sa ekonomiya sa isla.
Isip usa sa mga nag-uswag nga sentro sa pamuhunan sa Mindanao, padayon nga naghimo ang Malaybalay City og maayong palibot diin ang mga negosyo makalambo ug ang bag-ong pamaagi makadala og kauswagan.
Giimbitar sa kagamhanang lokal ang tanang sector nga mosalmot aron makadiskobre og bag-ong oportunidad, makatukod og lig-on nga pakig-uban sa negosyo, ug makasinati sa mga bentaha ug potensyal nga gitanyag sa Dakbayan sa Malaybalay
Photo Courtesy: Mindanao Business Conference
