Gidasig sa Social Security System (SSS) Pagadian Branch, ang tanang miyembro nga magparehistro sa My.SSS online account aron mas mapadali ang ilang mga transaksyon ug pag-avail sa nagkalain-laing benepisyo sa SSS.
Matud ni SSS Pagadian Branch Head Edwin Remoto, nga pinaagi sa My.SSS account, mahimo nang online ang pagtan-aw sa contribution records, pag-file sa loan ug benefit applications, pag-update sa personal nga impormasyon ug uban pang serbisyo nga dili na kinahanglan mobalik-balik pa sa opisina.
Dugang pa ni Remoto, isip kabahin sa pagpalig-on sa ilang digital services, magdugang ang SSS Pagadian og 10 ka computer units sa ilang e-Center aron mas daghang miyembro ang matabangan sa pagparehistro sa Disbursement Account Enrollment Module (DAEM) ug sa paggamit sa My.SSS portal.
Giawhag usab niya ang tanang miyembro, nga magparehistro sa labing dali nga panahon, tungod dako kini og tabang aron mas paspas ang pagproseso sa mga benepisyo og sa higayon nga adunay mga programa ang gobyerno, sama sa wage subsidy dali ra pagkuha sa cash assistance pinaagi sa SSS disburtment account.
