Gikasubo sa Cadiz City Police Station ang pagkamatay ni Master Sergeant Fernando Marfa human siya malumos samtang nagluwas og duha ka sibilyan sa suba sa Sitio Bisan, Barangay Luna niadtong Agosto 7.
Si Marfa, 40 anyos, traffic investigator sa Cadiz City Police Station ug deputized Bantay Dagat officer, nalumos human madala sa kusog nga agos sa tubig samtang misulay og tabang sa duha ka tawo nga naanod.
Sumala sa imbestigasyon, nagpatrolya ang biktima sakay og motorized banca uban sa tulo ka sibilyan dihang misulod ang tubig sa banca ug napugos nga manaog. Nasayran nga Duha sa iyang kauban ang naanod, hinungdan nga misulod siya sa suba aron tabangan og luwason ang kauban
Apan human sa hitabo, hapit usa ka oras narekober ang lawas niini atol search and rescue operation, gisuwayan pa kini og dala sa balay tambalanan apan gideklara nga dead-on-arrival. Samtang ang tulo ka sibilyan nga kauban niini luwas sa maong insidente.
Photo Courtesy: PNP Police Regional Office Negros Island Region
